Anasız bala: şüşə ilə yemləmə
Yalnız xüsusi süd, gecə də
Son yenilənmə: 2026-10-28
Anası olmayan pişik və ya it balasını yaşatmaq mümkündür, amma çox zəhmət tələb edir. İlk addım — baytara göstərmək.
İnək, keçi südü və ya uşaq qarışığı verməyin — ishal və susuzluq yaradır. Yalnız pişik və ya it balası üçün süd əvəzedicisi.
Necə yemləməli
- Südü bədən istiliyinə qədər isidin — biləyinizə damızdırın, isti yox, ilıq olmalıdır.
- Balanı qarnı üstə, ana döşündə olduğu kimi tutun. Heç vaxt arxası üstə uzadıb yemləməyin — süd ciyərə gedə bilər.
- Şüşəni sıxmayın, qoy özü əmsin.
- Hər yemləmədən sonra nəm, ilıq pambıqla qarnının altını yüngülcə sığallayın — ana kimi. Bu olmadan bala sidik və nəcis edə bilmir (təxminən 3–4 həftəliyə qədər).
İstilik
- Qutunun bir hissəsi isti olsun: ilk həftə təxminən 29–32 °C, 2–3-cü həftə 27 °C, 4-cü həftə 24 °C.
- Isıdıcını dəsmalla örtün və qutunun yalnız yarısına qoyun — bala istidən uzaqlaşa bilməlidir.
Bu yazı ümumi məlumatdır və baytarın müayinəsini əvəz etmir. Heyvanın vəziyyəti ciddidirsə, gözləmədən baytara müraciət edin.
Mənbələr: Merck Veterinary Manual · ASPCA
Bunlar da maraqlı ola bilər
Küçədə bala tapdım — nə etməli?Əvvəl ananı gözləyin. Tək görünən balaların anası çox vaxt yaxınlıqdadır — yemək axtarır və ya balaları bir-bir köçürür. Balalar təmiz, sakit və…Yenidoğulmuş balalarİsti, ilk süd və gündəlik çəki. İlk həftələrdə balalar üçün üç şey həyati vacibdir: istilik, anadan süd və sakitlik. Onlar təxminən 3–4 həftəliyə qədər…Süddən ayırma3–4 həftədən 8 həftəyə qədər. Süddən ayırma birdən yox, 4–5 həftə ərzində tədricən olur. Ana özü də balaları get-gedə az əmizdirir.